AKO PO AY NAGPAPASALAMAT

Sa muling pagbatingting ng mga kampana ay nagising ang isang natutulog na damdamin, hindi man sabihin ay parang nagkaraon ng panibagong lakas upang ipag patuloy ang matagal nang itinago upang ito'y hindi na muling maalala pa ngunit sa mga kampanang kumakalembang , heto't naging parang panaginip ang muling pagpapaalala ng mga nakaraan.

ang wisik ng mga tubig na dumadaloy sa isang hardin na animo'y nagbibigay buhay sa mga halaman upang ang kanilang mga bulaklak ay manatiling mayabong at malusog. Tulad ng isang
pangarap, ang agos ng tubig ay dumadaloy kung ito ay tuloy-tuloy sa kanyang patutunguhan at hindi nanatili sa isang tabi lamang.

Ang mga bulaklak sa hardin na nagbibigay kulay at kagandahan. Tulad ng ating mga pangarap nagkakakulay lamang ito kung ating aalagaan at pahahalagahan. Sana'y matupad po ang ating mga pangarap ayon sa itinakda ng may LUMIKHA.

Ako po ay nagpapasalamat sa iyo ng lubos at nagkaroon ako ng isang pagkakataon na ibahagi ko sa iyo ang isang pangarap na hindi man magkaroon ng katuparan sa ngayon ay hindi ka pa rin nawawalan ng pag-asa. MARAMING SALAMAT PO sa iyong PANGUNAWA.